تقول خلك معي يارايد العالي
شعرك يداعب شعور القلب واحساسه
لاقلت لك بيت فز القلب طوالي
فرة شجاعٍ مع آل سعود مجلاسه
علومها كل ماتطري على بالي
سيّلت حبر القلم من فوق قرطاسه
طوعت حرفي وطاروقي وموالي
وغطست بحرٍ يجيب اللول غطاسه
الجمرتين الشقر يرخص لها الغالي
والوردتين الحمر وعيون نعّاسه
عمهوجةٍ زينها من كل الاشكالي
لو شافه الشيخ يمكن يقلب الطاسه
اليا اقبلت ياوجودي يابري حالي
اشرق صباح السرور وهب نسناسه
وان جنّبت حطّت الاول على التالي
جسمٍ ضموره يداعب طغوة اقواسه
اقول هذي بشر ولا يورى لي
موضوع يحتاج له تفكير ودراسه
ماهمني في هواها هرج عذّالي
مادام صرح الغلا ثابت على ساسه
ياعاذل القلب عنها مالك ومالي
ماجاب علم الحيا ياكود عساسه
#رائد_العالي
شـــاهـــد أيـــضـــا
0 التعليقات:
إرسال تعليق