ياللي نشدتو عن خبر بدر مرزوق
اللي تبرع بالكلى لابن عمّه
سلايل الهيلا عتيبه ومن روق
تجري به النخوه مع عروق دمه
عالي من اهل الطيب والعرف والذوق
فزع وجاد بكليته مايهمه
يوم ان مسلط قام يشكي من العوق
قام المرض يركي عليه ويسمه
فزع له الله ملتجى كل مخلوق
وارسل بدر سبّه لتفريج همه
اليوم يامسلط من الباس معتوق
خيراً عليك الله بفضله يتمه
وبدر فعل له فعل نادر ومرموق
فعلٍ يبي همّه مهيب اي همّه
موقف شرف يبقى مدوّن وموثوق
في التضحية قمة وفي الجود قمة
بدر رفيع المنزله نظرته فوق
الله يجنب عن بدر كل غمه
واثنينهم وافين مافيهم فروق
روسٍ تصوك ولاتجيها المذمة
واللي يبي يحذو حذو بدر مرزوق
جعل الاجر والخير ينساق يمه
#رائد_العالي
0 التعليقات:
إرسال تعليق