صباح_الخير 🌺🌺
:
:
..
#ياقلب انا بلشت بك وين اوديك ؟
شيبت بي ياقلب من صغر سني
اسعى وراك وخيب الله مساعيك
من طيبتك ماشفت غير الهبني
ياكثر ماتجني عليه هقاويك
من حسن ظنك بالبشر ساء ظني
اعطيك غيري لجل مايحتفظ فيك
وترجع تقول اللي خذاني طعني
.!! طيب شسوي بك . وهذي امانيك
اللي جرالك منك ماهوب مني
تسد باب وتنتفح لك شبابيك
وكل ماتهزك عاصفه تمتحني
بلشت بك بلشة هل الديك بالديك
اللي بغى يذن وصبح يغني .!!
تسري ورى النية واتولي مساريك
حتى قتل صبحك ظلام التبني
الى هنا واقول . بسك ويكفيك
رد الكلام ووصل العلم عني
ماني تبع هذي ولاني تبع ذيك
لاجا الصحيح .. اثنينهن يتبعني
0 التعليقات:
إرسال تعليق