هذا طاروق جمعني بالشاعر ناصر القحطاني
ناصر القحطاني
من هجوس الشاعر الي يلعب القيفاني
مرحبا بالصاحب الي خوته نشريها
خصمك اليله ياروقي شاعرن قحطاني
خل عنك الي مايخذها ولايعطيها
رائد العالي
البقا والبيت مايثبت بلا سيساني
والرجال اهل الوفا شرواكم نخاويها
شد حيلك واوزن الحبه على النيشاني
والعلوم اللي بليا فايده مابيها
ناصر القحطاني
لا تصد ق بالحديث الي روى العلماني
الاحاديث الصحيحه ينعرف راويها
لايروح اليل كله ياولد مجاني
من يسرحها على قول العرب يضويها
رائد العالي
كيف اصدّق لي علومٍ مالها برهاني
مير شمس القايله يالذيب وش يخفيها
الله انه ينصر المسلم على النصراني
والدروب اللي تجيب الشر لاتعطيها
ناصر القحطاني
لا دخلنا البيت يارايد من البيباني
ويش فيها العتيبي قوللي وش فيها
الثمار اليانعه في داخل البستاني
من زرعها يالعتيبي لازمن يسقيها
رائد العالي
لادخلت البيت سلّم واذكر الرحماني
ثم مد الوافيه وابشر بمن يجزيها
خابرن هداج تيما يروي العطشاني
خل عنك اللي يكحّل عينه ويعميها
ناصر القحطاني
لا اله الا الله الله يلعن الشيطاني
كلمتن لا غرغرت ياليتنا نديها
بيض الله وجه رايد ثم صح الساني
وطول الله عمر من غنا ومن يوحيها
رائد العالي
الله يثبتك بالتقوى وبالايماني
والعلوم الثانيه ماغرّكم خافيها
وجهك ابيض يالاصيل وباقي الاخواني
والشكر لمشيد المغترّه وبانيها
0 التعليقات:
إرسال تعليق