قصيدة للشاعر/ صالح المنيع الشراري

الجوف كلّه .صار شرق القريات.
               وصارت حدود ارض المساليت ديره

قوّة شَغَب .وجيوب بحث .ومهمّات
               ماباقي الّاجيش درع الجزيره

ماحد عرَف ليه المساليت ب الذات
             يعني"على المكشوف" مافيه غيره.،!

البرج ..والما.. والشجر،، والبنايات

               وعوايلاً ف بيوتها.. مستجيره

وش يطلبون اكثر من الواضح إثبات
               والاّ  يبون ل كل موجود .. سيره

مافيه احد يرضى ل عرض انتهاكات
               والارض عرض ل كل من فيه غِيره

يوم انها غارات.. مبطي.. وثارات
              جبنا خبرها ب السيوف الشطيره

وهلحين نرفع فوقها عشر رايات
              وصور ملكنا اللي غمرنا ب خيره

ماهمٌنا ناسٍ تبث  الدعايات
              ولا عندنا غير الولا .. له سريره

اللي بذل جهده لنبذ العداوات
              وعند اختلاف آرائنا .. نستشيره

عند الحكي .ناخذجميل العبارات
             والأمر ناخذ عن عسيره.. يسيره

ومبدأ التفاهم -قبل -مبدأ  الخلافات
             حيث الكبيره قبل .. كانت صغيره

والله مادام الشّرف حي مامات
             والحق له راسٍ .. عيونه بصيره

ماينوخذ شبراً ورآه الشرارات
            هذا القليل -المختصر-عن كثيره

الشاعر/ صالح المنيع الشراري

شـــاهـــد أيـــضـــا