قصيدة من ناجي هميل الشلوي
اهداء إلى/محمد فائز الشهري
..............................
سلام مني عد همال الأمطار
وعد النجوم اللي تنور سماها
للي إله في القلب حشمه ومقدار
اسمه محمد وللقبيلة ثراها
مثل الصقر يشهر وليا نواء طار
وليا بغى الصيده تخير نباها
مدح الخوي واجب علينا ليا صار
فاهم علوم الطيب وهو ماقراها
شرواك يامحمد ونرخصله الدار
نرخصلك الغالي ولو ماتباها
ليت العرب كلها مثلك أخيار
امعرب الجدين من مستواها
هذه أبو فايز من شيوخن كبار
اشيوخ قوم محتمين بحماها
ياحامي الخوه وياحامي الجار
افعالك العليا وياما حلاها
..............................
الرد على القصيدة من الشاعر/ محمد فائز الشهري
يامرحبا يامرسل ابيات واشعار
اعداد آيات الله او من قراها
بالغالي اللي له مكانه وتذكار
خوته ماتنسى وهو مانساها
ناجي وريث المجد من قومٍ احرار
ورث العلوم الغانمه واهتواها
من روس قومٍ تعرف بكل الاقطار
دعوا الشلاوى سعد منهو نصاها
للظيف طيب وشر في وجه لشرار
انا اشهد ان ربعك يشرف نباها
ياناجي اللي سار واللي ماقدسار
وقفة وفا والباقيه في سراها
لجلك ياناجي نحسب اكبارها اصغار
لنك كفو وافي وفيك انتباها
واسلم وسلم لي بعد نظم الافكار
على الرجال اللي تزايد غلاها
شـــاهـــد أيـــضـــا
0 التعليقات:
إرسال تعليق