ابيات رثائية في الشاعر رشيد الزلامي رحمه الله

الشاعر  ( بندر حمدي الشلوي)

رشيد راح ولا بقا الا طواريه ..
قفا به الموت وتقافت ركابه ..

يالله تغفر ذنبه اللي مسويه ..
وتمطر على قبره صدوق السحابه ..

لابد ما نمشي طريقن مشا فيه .. يالله تلطف فسوال وجوابه..

الرد ( عبدالرحمن بن ظافر الشلوي )

الادمي لا راح فالقبر ياهيه ..
ماينفعه غير العمل في كتابه ..

اسألك تغفرله وتجبر عزاويه ..
وتلم شمله بالنبي والصحابه ..

الموت حق وندعي الله ونرجيه ..
انه يسهل لبن ادم حسابه ..

(نواف بن نفل النفيعي )

مرحوم يلي ساحة الشعر تنعيه ..
والله يخفف فاقده  في مصابه ..

انا أشهد أن الناس بالحيل تبكيه ..
كل القبائل تفقده  والقرابه ..

عساه بالفردوس  يلقى مناديه ..
وبيده اليمنى يحصل كتابه ..

(راشد بن عبدالله الشلوي)

يا مرحبا يالقاف ياللي على ايه..
حزننا على المفقود ماهو دعابه..

جاب الخبر منبيه جابه موديه..
مات الزلامي مات عزو شبابه..

يالله يا المعبود يالله تغنيه..
في جنة الفردوس خير ورحابه..

(سلمان مطلق الثبيتي )

جتني بيوت من الرثاء يوم انا ارثيه ..
اللي على خندف فقيده وشبابه ..

كن الشعر يبغا الاوادم تعزيه ..
كن مسكنه بيت الزلامي ربا به ..

عساه فالجنه يدرج خطاويه ..
تُغفر ذنوبه يوم يلقى حسابه ..

  (فهد محمد الشلوي ) 

عسا السحاب اللي ترازم عراويه ..
يسقى بطن قبرن تهايل ترابه ..

أبو جميل اقفى وقفت لياليه ..
يالله ياغفار هون احسابه ..

الادمي عايش بدنياه تمويه ..
والموت لمن جاه مادق بابه ..

شـــاهـــد أيـــضـــا