بيض الله وجه شيخ من عتيبه
رايد العالي زبون الطايلاتي
وقفته وقفت بطل ماهي غريبه
عشت ياقرم تحل الكايداتي
من بني عمي وشاش الراس طيبه
حر يويق الجبال النايفاتي
والعوالي بالرضا والا الغصيبه
كاسبين الطايله والمكرماتي
قلتها وبدون شك ودون ريبه
ورائد العالي زبون الطايلاتي
بندر الحافي
مرحبا بالقرم حلال الصعيبه
بندر الحافي زبون الوافياتي
جبت علمٍ عادة الطيّب يحيبه
وانتم اهل الطيب واهل الاولاتي
الرجل منكم يساوي له كتيبه
يالحفاه اهل الفعول المعجزاتي
بيت عرف وبيت جود وبيت هيبه
عزوةٍ مثل الجبال الشامخاتي
ومثل بندر بالشدايد نعتزي به
قسمه الجزله ليا راحت وجاتي
#رائد_العالي
0 التعليقات:
إرسال تعليق