@raid229
ياعايش ابياتك تهيض شجوني
ذكرتني بالعيد مع كامل الزين
اللي رحل واليوم عايش بدوني
وانا على ذكراه باقي لهالحين
بيني وبينه صار حباً جنوني
لاشفت زوله يصبح العيد عيدين
وان شافني غنّى بعذب اللحوني
واسوق له من عذب الاحساس بيتين
حتى شذى عطره يحرك سكوني
مثل الهبايب في غصون البساتين
اقفى وكان الله بعونه وعوني
ياشينها شيناه فرقى المحبين
مادام راح وقفّل الباب دوني
ماني وانا رايد ب تبّاع مقفين
مانيب تابع عالماً مايبوني
لو ان في قلبي تثور البراكين
دون الكرامه كل شيئاً يهوني
والخير باقي دام الاجواد باقين
لاشك يشعانا بياض المزوني
لكننا من فضل ربي قويين
#رائد_العالي
0 التعليقات:
إرسال تعليق