نطوي مع الأيام عـام ٍ ورا عـام
وتمر ساعات الفـرح فـي دقايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
أيام راحت بالعمر مثـل الأحـلام
يوم ٍ بهـا زعـلان وأيـام رايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
درست من دنياي وأتعبت الأقـدام
وبدلت عن بعض الطرايق طرايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
وكفخت بأفكاري كما الطير لاحام
وماعاقني عن ماكـر العـز عايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
ياصاحبي خذني معك سيف وحزام
وياك في وقت الرخـا والظوايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
وترى البشر ياخوك منقسمه أقسام
بين الردى والطيب شفت الحقايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
لقيت من صلى وزكا ومن صـام
ولقيت منهو لأقرب النـاس بايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
ولقيت من قلبه حقـود ٍ ونمـام
ولقيت من قلبـه يعـز الرفايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
ولقيت من يبني الأمل فوق الأوهام
واللي يموت ولايعـرف العوايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
ولقيت من يملك بساتيـن وأنعـام
واللي من الحاجه ينـام متضايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
الله خلق هالخلق سـاده وخـدام
ذي دبـرة الرحمـن رب الخلايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
وآخرك يابن آدم ترى قطعة الخـام
أمـر ٍ أكيـد ومايبيلـه وثايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
يالله عسى ماكون قطاع الأرحـام
وعساي من عقب القبر في حدايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣
جاك الكلام وخذ معه بصمة إبهـام
أن العمـر كلـه مجـرد دقايق
0 التعليقات:
إرسال تعليق