يالشيخ ابن عايش عوافي وماجور
الله يمدك بالشفاء والسلامه
سلمت ياشيخٍ مع الناس مذكور
بالطيب والحكمه وجزل الكرامه
شيخٍ وريث شيوخ من ماضي عصور
اقدم شيوخ المرجله والزعامه
يوم ( النعم ) من دونه الساق مكسور
النعم قسمه منه ذروة سنامه
فعلٍ عليه اثبات والاسم مشهور
كفٍّ رهاويه وعز وشهامه
وفي مجلس العرّاف لا وصله الدور
يا عنك ما تلقى الخطا في كلامه
يا شيخنا ما دمت طيّب ومسرور
حنا بخير ولا علينا ملامه
عبدالرحمن الشلوي ....
0 التعليقات:
إرسال تعليق