ردية /بن_ظافر

ان كان قلبك وصل للنيّه القشرا ..
نيتك لازم على اصحابك تغيرها ..

ماني براعي سوابق وانته الادرا ..
ماعندي الا الشهامه وانت خابرها ..

والوقفه اللي بغاها من هقا وازرا ..
ياعنك لا اقف لها والوقفه اقدرها ..

والمدّه الواجبه فـ انا عليها اجرا ..
ماتطلب الناس حاجه ونتعذرها ..

اما العطيّه فلا ترجع ولا تشرا ..
ان كان دورتها ماني مدورها ..

تراك ذا الليل جبت الطامه الكبرا ..
اثر الخطيّه على ادنى شي تظهرها ..
ش / صالح مصلح الشلوي

الرد / عبدالرحمن ظافر الشلوي
والله يا جرح قلبي منك ما يبرا ..
ظلمتني والجروح اشلون اصبرها ..

ياحسرتي كان مافادت بي الحسرا ..
على صحيبٍ ظلم نفسي وكدرها ..

وقفتك ما تنّسى ما دامها تطرا ..
ياعنك ياللي تظن اظنون ماذكرها ..

ابقضي الدين قبل الجيب لا يفرا ..
ماهي برفده لجل تسعى تدبرها ..

وان كانها بالعطايا منك يا صقرا ..
ثنتين يا تنّفبل ولا نصدرها ..

ما جبت لي طمتٍ كبرا ولا صغرا ..
اشكرك والكلمه اللي جات بشكرها ..

شـــاهـــد أيـــضـــا